Нобеловата награда за хемија за 2022 година им беше доделена на Каролин Бертоци, Мортен Мелдал и К. Бери Шарплес.
Шведската кралска академија на науките објави дека хемичарите ја добиле наградата за развој на хемијата на кликање и биоортогоналната хемија.
Претставниците на академијата истакнаа дека овие научници постигнале „револуција во поврзувањето на молекулите“.
Да потсетиме, овогодинешната Нобелова награда за медицина му беше доделена на шведскиот генетичар Сванте Пабо, за откритија во областа на изумрените хоминински геноми и човечката еволуција.
Нобеловата награда за физика им беше доделена на професорот на Универзитетот во Париз-Сакле и на Политехничкото училиште Ален Аспект, теоретскиот и експериментален физичар Џон Ф. Клаузер од САД и Антон Цајлингер, професор на Универзитетот во Виена. Тие, како што беше забележано, беа наградени за „експерименти со заплеткани фотони кои утврдуваат прекршување на нееднаквостите на Бел и за пионерство во науката за квантната информација“.
