Потпретседателот на ВМРО-ДПМНЕ, Александар Николоски, ја обвини Јагода Митревска, кој е член на работната група за уставните измени дека е симпатизерка на Путин, „која долги години следела негови кампањи во Русија“.
Во соопштение до јавноста Николоски вели:
„Каде оди Ковачевски? Симпатизер на Путин сега ќе пишува уставни амандмани во работната група, која тој ја формира.
Меѓу членовите на работната група, на таканаречени експерти, кои ги демаскиравме и презентиравме дека станува збор за пензионери роднини на партиски функционери и луѓе блиски до СДС и ДУИ уставни измени ќе прави и Јагода Митревска симпатизер на Путин, која долги години следела негови кампањи во Русија.
Јагода Митревска е новиот член на работната група за уставни измени која ја формираше Ковачевски. Таа се пофали дека учествувала во изборните кампањи на Русија, а на фотографии се гледа како гордо се фотографира пред простории и знамиња на партијата на Путин, таква фотографија е објавена на социјалните мрежи и истата ја испраќаме во прилог на ова соопштение.
Откако вистински експерти не прифатија да членуваат во работната група која ќе ги пишува амандманите, Ковачевски собрал луѓе кои ниту се експерти, ниту имаат искуство од областа, но затоа имаат сомнителни политички конекции“, обвинува Николовски.
Меѓу другото, во интервју за „Фокус“, Николоски откри и нови моменти од договорот за изградбата на Коридорите 8 и 10д кој Владата го потпиша со компанијата „Бехтел и Енка“.
