Никој во јавноста никогаш не го видел или посетил гробот на принцезата Дијана, бидејќи, како што откри принцот Чарлс, членовите на семејството стравуваат дека гробното место ќе биде осквернавено или ограбено, со оглед на тоа дека досега се забележани обиди.
Дијана Спенсер е жената која светот ја памети како принцезата од Велс – една од најпопуларните и најпознатите жени на 20 век. Принцезата Дијана, ќерката на грофот Џон Спенсер, се омажи за британскиот престолонаследник Чарлс на 20-годишна возраст, а нејзината венчавка од бајките ја следеа на телевизија неверојатни 750 милиони луѓе ширум светот.
Веднаш по стапувањето во брак со Чарлс, популарноста на Дијана достигна неверојатни размери. Новата принцеза го привлече вниманието со својот изглед, модните комбинации и добрата комуникација со луѓето. Обожавањето на Дијана набрзо прерасна во глобална опсесија, па принцезата кон крајот на осумдесетите стана најфотографираната жена на 20 век, а на медиумите им стана уште поинтересна кога стана јасно дека нејзиниот брак со идниот крал беше несреќен.
Стотици милиони луѓе ширум светот многу добро знаат каде беа и што правеа во неделата на 31 август 1997 година, кога се појави веста дека принцезата Дијана починала во Париз додека бегала од папараците. По трагичната смрт на принцезата следеше еден од најголемите погреби во 20 век. Две и пол милијарди луѓе го гледаа испраќањето на принцезата на телевизија. Според некои податоци, тоа беше најгледаниот телевизиски настан во историјата на телевизијата.
Принцезата Дијана беше погребана во Алторп, семејниот имот Спенсер. Нејзиниот гроб е на остров во езерото, но поради страв од крадци и обожавателите не е достапен за јавноста. Нејзиниот гроб не може да се посети ниту да се фотографира, а фотографијата од гробот на најпопуларната жена во светот никогаш не била објавена ниту во весник.
Патот до езерото во чија близина е гробот на принцезата е обележен со 36 дабови дрвја, секое дабово дрво претставува една година од животот на Дијана, пишува
Наместо гробното место, обожавателите можат да видат и фотографираат голем споменик на принцезата што го подигна нејзиниот брат, Ерл Чарлс Спенсер, во текот на летото. На споменикот можете да ја видите силуетата на принцезата, нејзиното име и годините на раѓање и смрт.
Чарлс Спенсер неколкупати им кажа на новинарите дека и покрај обезбедувањето и фактот што островот со гробот е затворен за јавноста, имало неколку обиди да се ограби гробот.
