Австралискиот тенисер во првото коло ќе ги одмери силите со Сафиулин, кој моментално е на 98. место на АТП листата.
Најголема пречка за тој успех ќе биде Новак Ѓоковиќ со кого може да се сретне во четвртфиналето, но и покрај тоа, Австралиецот смета дека првпат има шанса на турнирот.
„Ова е првпат навистина да се чувствувам како да сум еден од оние кои всушност можат да го подигнат трофејот“, изјави Киргиос за The Age.
Тој зборуваше и за големото внимание што го добива од локалните медиуми.
„Мислам дека никој друг, особено во Австралија, нема толку внимание како мене. Тоа е секојдневие, но јас го прифатив и го искористив како привилегија“, изјави Киргос.
