Невработеноста во Германија порасна на 5,9% во ноември од 5,8% во октомври, објави денеска германската Федерална канцеларија за труд.
Бројот на невработени во Германија се зголемил за 22.000 лица, на вкупно 2,702 милиони невработени, се наведува на веб-страницата на организацијата.
На годишна основа, бројот на невработени е зголемен за 175.000 во однос на ноември 2022 година.
Највисоки стапки на невработеност сè уште се присутни во сојузните покраини Берлин и Бремен, а најниски во Баден-Виртемберг и Баварија.
Во ноември во Германија имало 733.000 слободни работни места, 90.000 помалку од истиот месец минатата година.
