Хокеарската репрезентација на Израел требаше да настапи на Светското првенство во хокеј на мраз во Втората дивизија, но поради суспензија Израелците нема да имаат можност за настап, реши Меѓународната хокеарска федерација. Објаснувањето е дека се работи за „загриженост за безбедноста“.
„MХФ одлучи да го ограничи израелскиот национален тим да учествува на шампионатите додека не се осигура безбедноста и благосостојбата на сите учесници, вклучувајќи ја и безбедноста на израелските учесници“ – се вели во соопштението на Федерација.
Кога конечно Западот се согласи дека Русија врши воена агресија врз Украина, започна лобирањето за изолација на спортските и културните претставници на државата, а сега, се чини, на ред се и израелските.
Во неколку спортски медиуми се пишува дека за санкционирање на израелскиот спорт лобираат повеќе држави, пред се во меѓународните спортски купови, поради војната во Газа, односно употребата на прекумерна сила врз цивилното население.
