Најдобриот играч на последното Светско првенство, Лионел Меси, на своите соиграчи од репрезентацијата им купи 35 iPhone 14s со позлатени корици за долго и среќно сеќавање на освоената титула.
„Наша чест е да им ги доставиме овие подароци на соиграчите на Лео и на стручниот штаб на националниот тим. Тоа е негов подарок за освојување на титулата“, изјави Бенџамин Лајонс од Индизајн Голд.
Членовите на „Скалонета“, сегашната генерација аргентински репрезентативци, ќе добијат телефони на кои ќе биде испечатен грбот на аргентинската федерација, три ѕвезди за претходните титули и посебен натпис за последниот. На секој од нив ќе бидат испечатени имињата и броевите на дресовите.
Меси наводно платил вкупно 210.000 евра за подароци за соиграчите од репрезентацијата.
„Лео е еден од нашите најлојални клиенти. Ни се јави неколку месеци по завршувањето на Светското првенство и рече дека би сакал да им подари нешто посебно на соиграчите за да ја одбележи нивната голема победа. Не го сакаше вообичаениот подарок, часовници, па му го предложив ова и тој беше воодушевен“.
