Рускиот генерал Магомед Хандаев на возраст од 61 година, кој е познат како генералот на Путин, за кој се верува дека бил клучен сведок во големиот корупциски скандал што го зафати руското Министерство за одбрана, почина ненадејно.
Хандаев се сметаше за важен сведок во корупцискиот скандал што го погоди Министерството за одбрана. Тој беше началник на Дирекцијата за државни експертизи на руското Министерство за одбрана и беше подреден на заменик министерот за одбрана Тимур Иванов (48), кој беше уапсен под сомнение за корупциски шеми вредни 9 милиони фунти и е во притвор.
Причината за смртта на Хандаев не е позната и е последна од низата необјаснети смртни случаи на водечки руски личности од почетокот на војната во Украина.
Според извештаите, неговото тело било пренесено од Москва во неговиот роден регион Дагестан каде требало да биде погребан.
