Пејачката Кристина Агилера (43) привлече внимание откако драстично ослабе.
Музичарката со моќен вокал, позната по своите облини, изненади со трансформацијата и откри дека ослабела 20 килограми. Поп-пејачката викендот го помина во Италија каде што настапи на гламурозниот настан „Долче и Габана Алта мода“.
Кристина на својот инстаграм-профил сподели видео на кое се шета во розов мини фустан и чизми над колена во истата боја, а многумина забележаа дека пејачката зрачи со самодоверба.
На видеото се гледа Кристина со самоувен од, заводлив поглед и насмевка на лицето, при што во коментарите некои ја опсипаа со комплименти, но многумина повторно почнаа да зборуваат дека користела оземпик, лек кој е одобрен само за лекување на дијабетес тип 2. Меѓутоа, овој лек многумина денес го користат и за слабеење.
„Што се случи со таа убава тежина што ја имаше?“, „Поради операциите и оземпик сега изгледа вака“, „По ѓаволите, ја изгуби сета таа секси тежина, се надевам дека е барем среќна“, „Икона Кристина“, „Што се случи со Кристина Агилера?“, беа само дел од коментарите на нејзината објава.
Пејачката претходно призна дека се храни здраво и дека се откажала од грицките. Исто така, почнала да вежба, а обожава јога, бокс и кардио тренинзи.
ФОТО: Инстаграм
