Во натпреварот против Њу Орлеанс, Денвер Нагетс беа убедливо поразени на домашен терен со 107:88.
Гостите од Луизијана поведоа во раната фаза од натпреварот и во текот на целиот тек ги контролираа случувањата на теренот. Дека беа подобар ривал се гледа по тоа што ги добија сите четири четвртини.
Брендон Инграм блесна со трипл дабл. Крилото на Пеликанс мечот го заврши со 31 поен, 11 скока и десет асистенции. Го следеше Си Џеј МекКолум со 23 поени. Џамал Мареј постигна 21 поен за Нагетс.
Во вториот вечерен натпревар Бостон Селтикс го декласираше моментално најдобриот тим во лигата Милвоки Бакс со 140:99. Џејсон Тејтум постигна 40 поени и осум скока, а Џејлен Браун имаше 30 поени и пет скока и асистенции. На другата страна, Јанис Антетокунмпо стигна до 24 поени, но со слаб шут од поле (11 од 27).
NBA: Boston go pobedi Baks, Denver porazen
