Алваро Мората повторно беше на мета на навивачите на Реал.
Не е првпат навивачите на Реал да го навредуваат својот поранешен играч Алваро Мората. Така беше и на мадридското дерби во Купот на кралот.
Мората е родум од Мадрид, кој ја започна својата сениорска кариера во Реал, но како момче почна да игра фудбал во неговиот роден клуб Атлетико. „Птицата преселница“ на европскиот фудбал играше двапати за Реал, како и за Атлетико и Јувентус.
„Стаорци“, му довикуваа навивачите на Реал за време на мечот на „Сантијаго Бернабеу“, а потоа мадриѓанецот во 19. минута погоди за 1:0. Тоа беше единствениот гол до чудесниот на Родриго при крајот на натпреварот, а Реал подоцна направи пресврт во продолженијата.
Мората беше речиси херој на навивачите на Атлети и тоа ќе беше вистинска одмазда за навредите на дел од домашните навивачи.
Вака Мората добро се пошегува на себе и навредите од трибините. Откако постигна гол, тој ги покри иницијалите од своето име на грбот за да се обиде да добие „рата“, што во превод значи стаорец, што некои навивачи на Реал му го извикуваа.
