Во третото коло од Европската лига, Ливерпул на домашен терен го совлада француски Тулуз со резултат 5:1, а мечот го одбележа неверојатното промашување на напаѓачот на „црвените“, Дарвин Нуњез.
Уругваецот во 65. минута го промаши невозможното. Тој тргна еден на еден со голманот на гостите, го измами и упати удар во празната мрежа, но топката наместо во голот ја погоди стативата.
Во продолжение Ливерпул сепак постигна гол, откако Гравенберх беше попрецизен од Нуњез кој во првото полувреме постигна гол за англискиот тим.
Напаѓачот беше исфрлен од игра од навивачите на Ливерпул со овации, а Нуњез се уште се бара во тимот на Јирген Клоп. Тој минатата година пристигна во Ливерпул, а оваа сезона на 12 натпревари постигна 5 гола.
