Курдистанската работничка партија (ПКК), објавена како терористичка група од Турција и нејзините западни сојузници, ја презеде одговорноста за денешниот самоубиствен бомбашки напад во турскиот главен град Анкара, во кој беа повредени две лица.
„Против турското Министерство за внатрешни работи беше извршена пожртвувана акција од екипа на нашата Бесмртна бригада“, наведе ПКК за новинската агенција АНФ, што е блиска до курдското движење.
Во Анкара утрово во 09.30 часот се случи терористички напад кога бомбаш самоубиец активирал експлозивна направа во близина на зградата на полицијата, пренесоа турските медиуми.
