Компанијата „Аспект Хрватска“ откри наоѓалиште на гас на истражниот бунар Требарјево-1, 10 километри југоисточно од Сисак, соопшти Министерството за економија.
Како што се наведува, компанијата ја информирала Агенцијата за јаглеводороди за резултатите од истражувањето.
Претседателот на Агенцијата за јаглеводороди Маријан Крпан изјави дека со тестирање на бунарот се добиени меѓу 160 и 320 илјади кубни метри гас, што претставува околу 10% од вкупното дневно производство на гас во Хрватска.
„ASPECT Croatia Kft“ е подружница на Aspect Holdings, со седиште во Денвер, САД, која потпиша договор со Владата на Република Хрватска во 2020 година за истражување и споделување на експлоатација на јаглеводороди за истражувачката област SAVA-06.
