Највисокиот воен командант на Норвешка изјави дека НАТО има две до три години да се подготви пред Русија да ја обнови својата војска и да ја подготви за конвенционален напад.
Ова е пократка временска рамка од она што досега го наведоа некои други западни претставници.
– Во еден момент некој рече дека ќе бидат потребни 10 години, но мислам дека се вративме на помалку од 10 години поради развиената индустрија која веќе постои во Русија – рече 55-годишниот генерал Еирик Кристоферсен.
– Имаме две до три години да ги обновиме нашите сили и резерви додека ја поддржуваме Украина – рече Кристоферсен и додаде.
– Норвешка, членка на НАТО од 1949 година, нема значајни промени на својата граница во текот на изминатата година. Руските копнени сили на полуостровот Кола се десеткувани по големите загуби во Украина.
– Сега гледам прозорец каде што можеме да ги исполниме барањата договорени од НАТО, нова командна структура, нови структури на силите, нови регионални планови. Значи, можеме да ги исполниме тие планови и тие одлуки суштински во следните години, но мораме да забрзаме. Мораме да го направиме тоа за две до три години за да бидеме сигурни дека сме подготвени за сè што може да се случи – додаде тој.
Норвешкиот парламент допрва треба да го одобри планот за двојно зголемување на буџетот за одбрана во следните 12 години.
– Нашата војска е во состојба на готовност од есента 2022 година, кога Русија почна почесто да го споменува нуклеарното оружје и се случи експлозијата на Северен поток. Ние гледаме што се случува во соседството и ја зголемивме нашата подготвеност – рече тој.
