Најмалку седум лица загинаа, а 16 се повредени во Харков, на североистокот на Украина, објавија регионалните власти, додека украинскиот претседател Володимир Зеленски ја критикуваше „слабоста“ на меѓународната заедница да му обезбеди на Киев доволно средства за воздушна одбрана.
Во јужниот регион Запорожје, 74-годишен цивил бил убиен во артилериски напад додека работел во дворот на својата куќа во селото Мала Токмачка, изјави локалниот функционер Иван Федоров.
Гувернерот Олег Синегубов потоа напиша на Телеграм дека „според ажурираните податоци, откриени се седум мртви“.
Тој додаде дека мета била цивилна цел, дека била печатница, а повредени се 16 лица.
Украинските власти соопштија дека Харков од утрово бил погоден со 15 проектили.
Зеленски рече дека новите напади се доказ дека е итно неопходно Западот да испорача противракетни системи на Украина.
„Руските терористи го користат фактот што Украина нема доволно воздушна одбрана“, рече Зеленски на социјалните мрежи.
„Не е наша слабост, туку слабост на светот кој не се осмелува да се однесува со терористите онака како што тие заслужуваат“, додаде украинскиот претседател.
