Најмалку 4 лица го загубија животот, а повеќе од 120 се повредени во силниот земјотрес со јачина од 4,9 степени што го погоди североисточниот дел на Иран, јавија иранските медиуми.
Земјотресот бил регистриран во 13:24 часот по локално време во североисточниот град Кашмар, изјави локалниот гувернер Хојатола Шаријатмадари за државната телевизија.
Американскиот сеизмолошки институт соопшти дека земјотресот бил со јачина од 4,9 степени, а епицентарот бил на длабочина од 10 километри.
Шаријатмадари рече дека во земјотресот се оштетени згради во урбаните и руралните области.
