Најмалку 12 лица загинаа, а 13 се повредени во несреќа во рудник за јаглен во североисточна Кина, јавија државните медиуми.
Несреќата се случила вчера во 15 часот и 50 минути, по локално време, во рудник лоциран на периферијата на градот Џикси, во провинцијата Хејлонгџијанг, јави CCTV.
Истрагата за причините за несреќата е во тек.
Безбедноста во рудниците во Кина е значително подобрена во последните децении, но сепак понекогаш се случуваат несреќи поради недоволно почитување на правилата за заштита при работа.
