Белорускиот претседател Александар Лукашенко изнесе тврдења за заговор на НАТО на полска територија.
Лукашенко е најблискиот сојузник на Путин и се потпираше на рускиот лидер за да ја задржи власта по спорните избори во 2020. Лукашенко досега директно не го вклучи Минск во инвазијата на Путин на Украина, но и дозволи на Русија да ја користи белоруската територија за напади, пишува Newsweek.
За време на говорот во главниот град Минск пред персоналот на белоруските безбедносни агенции, Лукашенко рече дека разузнавачките агенции во Варшава и Вашингтон планираат провокации на полско тло за кои ќе бидат обвинети Русија и Белорусија.
„Знаеме за сите разузнавачки сценарија за различни видови провокации и екстремистички дејства во кои се вклучени милитанти во Украина, Полска и Литванија и ќе ги објавиме колку што е можно повеќе“, рече Лукашенко.
„За се ќе ги обвинат Русија и Белорусија“
„Полско-американската разузнавачка служба подготвува голема провокација против полските цивили за која ќе ги обвинат Русија и Белорусија. Гледате дека им треба изговор, причина“, рече белорускиот лидер.
„Еднаш Хитлер подготви таква операција на границата со Полска“, додаде тој.
Ова е спротивно на тврдењата на Путин за почетокот на Втората светска војна. Рускиот лидер му кажа на американскиот водител на ток-шоу Такер Карлсон претходно овој месец дека Адолф Хитлер бил „принуден“ да ја нападне Полска затоа што била „некооперативна“, верзија која Варшава ја отфрли како глупост.
Лукашенко продолжи: „На Американците не им е грижа дали ќе умре последниот Украинец или последниот Полјак“. Но, како можат Полјаците да разговараат за такво сценарио со Американците?
