Грчките камиони кои извезуваат лигнит од два приватни рудници во Грција за потребите на трите блока на електраната РЕК Битола би можеле да бидат блокирани од протест на преминот Ники кој го најавија грчките земјоделци, пренесува агенцијата АНА-МПА.
Земјоделците вчера протестираа на грачниотчниот премин Ники. Претседателот на здружението на земјоделци во Костур, Томас Мосхос, вели дека тие имаат за цел да започнат со блокади на границата, но само за камиони, додека пак сообраќајот на автомобил ќе се одвива непречено.
Земјоделците во Грција планираат и голем протест во Атина. Тие се солидаризираат со европските земјоделци во ЕУ кои со своите трактори со денови блокираат повеќе градови низ Унијата.
Од друга страна, портпаролот на грчката влада Павлос Маринакис на вчерашниот редовен брифинг со новинарите истакна дека не се разгледуваат дополнителни мерки за поддршка на земјоделците.
