Над селото Белица под Солунска Глава во општина Македонски Брод има активен пожар на висок и на непристапен терен. Гори ретка борова шума, сува трева и грмушки, информираат утрово од Центарот за управување со кризи (ЦУК).
Пожарот го гаснат 3 пожарникари со едно теренско возило од Територијалната противпожарна единица ТППЕ Македонски Брод.
Од ЦУК информираат дека изминатото деноноќие изгаснале 10 пожари.
