На железничката станица во Нојбранденбург, североисточна Германија, непознати луѓе симнале знаме со виножито и го замениле со забрането знаме со свастика. По известувањето, полицијата го отстранила знамето со нацистичкиот симбол, а властите започнаа истрага за употреба на забранети симболи.
– Свастиката го претставува најлошото злосторство против човештвото што некогаш произлезегло од германско тло – неговото поставување не е само криминален чин, туку е нехумано и неуставно – рече Кристијан Пегел, министер за внатрешни работи на покраината Мекленбург – Ворпомерн во која се наоѓа градот Нојбранденбург.
Тој додаде дека оние кои го извршиле ова злосторство „се ставаат надвор од нашето општество“ и „се потсмеваат на жртвите на нацистичката тиранија“.
На станицата обично се истакнуваат три знамиња, вклучувајќи ги знамето на провинцијата и знамето на виножитото, кое е симбол на различноста и толеранцијата. Второто веќе неколку пати досега беше отстрането и заменето.
