Кантоналниот суд во Сараево на предлог на Обвинителството на КС им одреди едномесечен притвор на осомничените Амир Ибришимовиќ, Исмет Хамзиќ и Емир Кукиќ.
На осомничениот Ибришимовиќ му е одредена мерка притвор поради ризик од бегство и ризик да го повтори кривичното дело доколку биде пуштен на слобода, а на Хамзиќ и Кукиќ поради ризик од повторување на кривичното дело.
За потсетување, Обвинителството на КС ги товари дека од 2009 година до нивното затворање во организирана група преземале противправни дејствија со цел да се стекнат со противправна имотна корист преку злоупотреба на положбата и фалсификување исправи на тој начин што противправно стекнале сопственост на земјиште, тргувале со поголем број недвижности на подрачјето на кантонот Сараево, а со кои не можело да се тргува, со што се стекнале со противправна имотна корист од најмалку 4 милиони марки.
