Поранешната претседателка на Врховниот суд на Црна Гора, Весна Меденица, која синоќа беше уапсена по наредба на Специјалното државно обвинителство, е хоспитализирана во Кардиолошкиот центар на Клиничкиот центар на Црна Гора (КЦЦГ), дознава „Вијести“.
Според истите информации, Меденица утрово нешто пред седум часот била примена во Блокот за итни случаи откако наводно и се слошило.
Од таа здравствена установа за „Вијести“ претходно рекоа дека нејзината здравствена состојба е стабилна, но дека ќе биде задржана на лекување.
Меденица била уапсена синоќа нешто по 22 часот на аеродромот во Голубовци, кога заминала за Белград.
Меденица седумнаесет години беше претседател на Врховниот суд на Црна Гора, а претходно од 2003 до 2007 година беше и Врховен државен обвинител.
