Потребна е итна акција за да се спречи целосно затворање на медицинските служби во Газа, предупредува Меѓународниот комитет на Црвениот крст (МКЦК).
„Секоја функционална болница во Појасот Газа е преполна и нема доволно медицински материјали, гориво, храна и вода. Многумина се дом на илјадници раселени семејства. И сега постои опасност поради борбите да бидат изгубени уште два објекти“, изјави Вилијам Шомбург, шеф на канцеларијата на МКЦК во Газа, пренесува Ал Џезира.
„Кумулативното влијание врз здравствениот систем е поразително и мора да се преземат итни мерки.
Медицинскиот комплекс Насер и Европската болница се основните упатни болници во јужна Газа кои опслужуваат приближно два милиони луѓе, нудејќи критични хируршки и итни медицински услуги.
Сепак, нивниот постоечки капацитет е далеку под сегашните потреби за нега, рече МКЦК.
