Холивудската актерка Џесика Алба (43), која многумина ја сметаат за најубава на светската сцена, се вратила од семејно патување во Мексико и сега пристигнала во Рим, за договорите за новиот филм да продолжат како што треба.
Но, новите фотографии од вечерата во Рим, кои беа по повод деловен состанок, ги изненадија сите обожаватели кога забележаа чуден детаљ. Имено, таа отишла на состанок со италијанскиот филмски продуцент Андре Јерволина, а од моментот кога пристигнале во ресторанот со автомобил, па сѐ до крајот на вечерата, не ја симнувале насмевката од нивните лица.
Во очите на јавноста сѐ изгледало нормално, сѐ додека не забележале дека го нема венчалниот прстен на раката на Џесика Алба. Тогаш овие фотографии почнаа да добиваат потенцијална нова димензија.
Џентлменските гестови, како што се отворањето на вратите, поместувањето на столчињата и пуштањето да помине прва дамата, сега изгледаат малку поинаку. Особено кога камерите успеаја да уловат моменти од вечерата.
Во еден момент се гледаат како наздравуваат со чаша бело вино, а во следниот, Андре одвојува порција тестенини од садот и ја префрла во чинијата на Џесика. Сето тоа додека се смее.
Меѓутоа, други веруваат дека ако нешто е „тајно“, би се обиделе барем да бидат во ресторан чија внатрешност не може да се види низ големи прозорци. Но, тие исто така признаваат дека некои ситуации изгледаат сомнително, како споделување порции храна и многу смеење.
