Многу често јадеме пилешко, а бидејќи најчесто го купуваме во супермаркети, не е невообичаено понекогаш да се чудиме непријатно од мирисот или уште полошо од вкусот на расипано месо.
Покрај тоа што е непријатно искуство, тоа може потенцијално да предизвика и болест, па затоа препознавањето на расипано пилешко е уште поважно отколку што може да изгледа.
Пред да ги отворите спакуваните парчиња пилешко, задолжително проверете го датумот на истекување испечатен на него, доколку е истечен или е пред истекување, побарајте посвежо пакување. Ако нема да го подготвите пилешкото веднаш, замрзнете го за да не се расипува.
Постојат неколку сигурни знаци на расипано месо кои лесно можете да ги забележите, а доколку сè уште не сте сигурни, не ризикувајте и фрлете го сомнителното пилешко, препорачува порталот www.krenizdravo.hr. За да препознаете расипано пиле, доволно е да обрнете внимание на овие три работи.
Боја
Свежото пилешко е светло розево со бели масти. Малата промена на бојата е нормална поради протеинските реакции, но не треба да гледате ништо сиво, зелено или жолто на месото. По термичка обработка, месото не смее да биде розево.
Мирис
Расипано пилешко испушта непријатен мирис, односно смрди колку што е скапано. Не мијте го расипано пилешко, туку фрлете го.
Текстура
Лигаво, лепливо или мувлосано пилешко е исто така ѓубре. Свежото сирово пилешко е секогаш сјајно и цврсто, затоа немојте да јадете ниту премногу меко месо.
