Десеткратниот убиец Коста Кецмановиќ побарал да го посети во болница тинејџерот во кого пукаше на 3 мај во масакрот во училиштето Рибникар, иако му бил најдобар пријател, пренесува српска Република.
Лекарите и другите вработени во болницата, но и полицијата која деноноќно го обезбедува Коста, зачудено слушаа што зборува младиот масовен убиец, а тој ги доведе во голема заблуда која и сега ги прогонува.
Подоцна разговарале меѓу себе како ги шокирал и не се сетиле да го прашаат зошто сака да се види со својот пријател и како мисли дека сепак тој би сакал да го посети.
„Што навистина сака од тоа дете?“ – се прашувале тие.
– Коста рече едно попладне дека е крајно време да види некој од своите врсници. Праша зошто, кога не го пуштаат да излезе и го држат во болница спротивно на законот, не може да му се јави на пријател да дојде кај него. Го нарече со целото име. Кога го слушнав тоа, се исплашив. Рече дека тоа е негов пријател, но не кажа дека пукал во него на 3 мај, иако пред тоа поминале многу време заедно. Неговото семејство добро го знаело Коста – изјавил изворот за српска Република.
Инаку, ова е само едно од низата шокантни барања кои Коста ги искажал во болницата, на Клиниката за неврологија и психијатрија за деца и младинци.
Тој е во таа институција од масакрот во кој уби девет деца и еден училишен чувар. Во истиот крвав поход ранил наставничка и пет други деца. Бидејќи тој имал 13 години за време на злосторството, Коста законски не е одговорен. На неговите родители им се суди во кривична постапка, како и на двете одговорни лица од стрелиштето каде Коста научил да пука.
