Повредите на Ања беа многу сериозни. Лекарите направиле се за да и го спасат животот.
Младата атлетичарка Ања Радоњиќ (24) од Параќин им подлегнала на повредите по уривањето на настрешницата на железничката станица во Нови Сад, со што бројот на жртвите се искачи на 15, пренесува Нова.рс.
Повредите на Ања биле исклучително тешки. Лекарите направиле се за да и го спасат животот, но за жал не успеале.
Ања е 15-та жртва на новосадската трагедија, таа храбро се бореше за живот последните 17 дена.
Студирала кинески јазик на Филолошкиот факултет во Белград и со години тренирала кошарка.
На тој кобен ден Ања била во Нови Сад со своето момче. Како што пишувавме претходно, според зборовите на нејзината братучетка, таа се нашла на железничката станица кога најверојатно се враќала во Белград, каде што студирала.
Големата трагедија во Нови Сад веќе остави во црно 15 семејства, а животот на двајцата повредени се уште е во опасност.
Глума Директорката на Клиничкиот центар на Војводина, д-р Весна Туркулов, вчера вечерта соопшти дека во 15 часот во Клиничкиот центар во Војводина починал еден од тројцата тешко повредени од уривањето на настрешницата.
„Со жалење мораме да соопштиме дека денеска, 17 дена по трагичниот настан на Железничката станица, почина уште една жртва во несреќата што се случи во Нови Сад. Се работи за девојката која е најтешко повредена. „И покрај сите напори на лекарите од Универзитетската болница во Војводина, дојде до смртен исход“, изјави проф. д-р Весна Туркулов.
Таа нагласи дека борбата за животите на преостанатите преживеани продолжува.
