Актерката и поранешна мис Колумбија Алехандра Вилафање почина на 34-годишна возраст, а тажната вест ја потврди нејзиниот долгогодишен партнер, Раул Окампо.
Алехандра се борела со карциномот, а во мај објавила дека започнува со лекување. Актерката тогаш заминала на хемотерапија и најавила дека ќе паузира и ќе се повлече од светот на глумата одредено време.
Во последното емотивно видео кое го објавила на „Инстаграм“, таа им се заблагодарила на семејството и пријателите кои биле со неа во најтешките моменти. Видеото на кое нејзиното момче ѝ помагало да ја избричи главата расплакало многу нејзини следбеници.
Откако ѝ биле откриени малигни тумори на дојката и јајниците, таа веднаш била подложена на третмани кои на почетокот биле успешни, но на крајот сепак морала да се врати во болница.
По смртта на актерката, нејзиниот партнер Раул објавил низа заеднички фотографии со опис: „Сакам да знаеш. Засекогаш“.
Убавата Колумбијка глумела во бројни серии како „La Nieta Elegida“ и „Always a Witch“, а во 2014 година победила на натпреварот за „Мис Колумбија“.
