Пратеникот Антонио Милошоски од ВМРО-ДПМНЕ поставил прашање до премиерот Димитар Ковачевски со следната содржина:
„Моето прашање до вас е дали сте информирани кои македонски општини оваа година од Советот на Европа, АЛДА (European Associaton for Local Democracy) и ЦДДГ (Centre for Expertise for Local Government Reform), ја имаат добиено престижната награда Европска ознака за извонредност во управувањето?
Премиерот на прашањето одговорил кусо: „Да“.
Во одговорот, Ковачевски не ги навел имињата на наградените општини.
– Она кога поради „завидлизам“ на премиерот му е незгодно да ги наведе општините кои добиле европско признание за добро управување, бидејќи од 9 општини, во 8 се опозиционери: Битола, Виница, Радовиш, Аеродром, Неготино, Новаци и Штип (ВМРО), Берово (СДСМ) и Куманово (независен) – коментира Милошоски на Фејсбук.
