Мили Боби Браун, ѕвездата на „Чудни нешта“ (Stranger Things), позната по својот лик Илевн, се омажи за синот на Џон Бон Џови, Џејк Бон Џови, по две години врска

Мили Боби Браун, ѕвездата на „Чудни нешта“ (Stranger Things), позната по својот лик Илевн, се омажи за синот на Џон Бон Џови, Џејк Бон Џови, по две години врска, пишува британски „Сан“. Двојката се венча тајно минатиот викенд.

„Тоа беше многу мала, романтична церемонија со најблиските членови на нивните семејства“, велат изворите, додавајќи дека парот планира поголема прослава на крајот на годината.

Според добро упатени извори, Џон Бон Џови бил таму, како и родителите на Мили.

„Мили и Џејк тивко разменија завети во Америка минатиот викенд. Тие планираат поголема церемонија во САД подоцна оваа година, но сега се легално во брак и ги завршија сите документи. Тоа беше мошне мала, романтична церемонија со нивното најблиско семејство додека ги изговараа заветите“, рекол изворот.

На почетокот на април минатата година се дозна дека парот се свршил. Тие се заедно од 2022 година, а претходно беа пријатели.

Претходно оваа година Бон Џови потврди дека ќе настапи на свадбената церемонија.

На прашањето на црвениот тепих на MusiCares за Личност на годината 2024 дали ќе пее на свадбата, тој веднаш одговори за „Дејли мејл“: „Да!