Металика објавија нов сингл од претстојниот албум „72 Seasons“.Како што објави Pitchfork, песната „If Darkness Had a Son“ трае седум минути, а е придружена со спот во режија на Тим Сасенти, кој стои и зад неодамна објавените визуелни елементи за песните на Металика „Lux Æterna“ и „Screaming Suicide“.
Бендот го најави новиот албум уште во ноември, а официјално ќе излезе на 14 април и ќе содржи 12 песни. Албумот беше продуциран од Грег Фиделман, Џејмс Хетфилд и Ларс Улрих.
Исто така, по објавувањето на албумот, Металика ќе заминат на турнеја.Потсетете се дека фондацијата на Металика неодамна донираше 250.000 долари за поддршка на хуманитарните напори во Турција и Сирија по земјотресот во кој досега загинаа повеќе од 45.000 луѓе.
