Номинацијата на конгресменот Мет Гаец за државен обвинител на САД во новата администрација на Доналд Трамп пристигна како гром во Вашингтон во средата попладне. Од сите избори на Трамп за неговиот тим досега, ова е најконтроверзниот.
Пораката е јасна, Трамп има намера да го разниша естаблишментот кога ќе се врати на власт, анализира Би-Би-Си.
„Доаѓа чеканот на правдата“, објави Илон Маск за Гаец на Икс.
Во објава на социјалните мрежи, Трамп најави дека има намера да го искористи Гаец како топка за радикално менување на американското Министерство за правда.
„Мет ќе ја искорени системската корупција во Министерството за правда и ќе го врати одделот на својата вистинска мисија за борба против криминалот и одржување на нашата демократија и устав“, напиша тој.
Гаец е политичар од Флорида. Познат е по своите бомбастични изјави во Конгресот. Тоа значи дека нема недостиг од непријатели, вклучително и во неговата партија.
Па така, изборот на Трамп за Гаец за оваа клучна улога е сигнал и за тие републиканци. Новата администрација на Трамп ќе биде составена од лојалисти на кои тој им верува дека ќе ја спроведат неговата агенда.
Минатата година Гаец ги предводеше напорите за смена на тогашниот републикански претседател на Претставничкиот дом Кевин Мекарти. Тој беше еден од најагресивните поддржувачи на Трамп.
Во средата, претседателот на Претставничкиот дом Мајк Џонсон, уште еден посветен сојузник на Трамп, го нарече Гаец „остварен адвокат“.
– Тој е реформатор во неговиот ум и срце и мислам дека ќе донесе многу на маса за тоа – рече Џонсон.
Гаец (42) има диплома по право и работеше за адвокатска фирма од Флорида пред неговите осум години во Конгресот. Ова го прави необичен избор за позиција која вообичаено оди кај повеќе високи политичари, добро упатени во правото.
Сенатот ќе биде одговорен за потврдување на номинацијата на Гаец. Само четири гласа „против“ се доволни да ги потопат неговите шанси, иако Републиканците го имаат мнозинството.
Гаец минатата година беше под истрага во Претставничкиот дом за наводи за сексуално недолично однесување, употреба на недозволени дроги и за злоупотреба на средства за кампања додека бил на службено патување на Бахамите.
Но, во средата вечерта, Џонсон рече дека Гаец поднел оставка како пратеник, што практично ја заврши истрагата на Претставничкиот дом бидејќи комисијата ги истражува само членовите. Гаец ја поднесе оставката и за да може да биде номиниран за државен обвинител.
Гаец е лојалист кон Трамп, што уште еднаш ја потврдува прогнозата дека обвиненијата против Трамп ќе бидат повлечени.
Специјалниот обвинител Џек Смит пред неколку дена побара од апелациониот суд да ја прекине неговата жалба против новоизбраниот претседател Трамп обвиненијата за Трамп за наводно лошо постапување со доверливи и строго тајни документи во имотот Мар-а-Лаго на Флорида.
Предлогот беше поднесен од Смит во 11-от окружен Апелационен суд и доаѓа неколку месеци откако американската судијка Ејлин Кенон во јули го отфрли случајот против Трамп, кој се фокусираше на неговото постапување со наводно доверливи документи по напуштањето на Белата куќа во 2020 година.
Американските медиуми пишуваат дека обвиненијата за Трамп најверојатно ќе бидат повлечени.
„Вашингтон Пост“ напиша дека Смит ќе даде оставка пред Трамп да стапне во Белата куќа на 20 јануари и да го отпушти.
Еден од проблемите со случаите на Трамп е дека претседател на функција не може да биде гонет според американскиот закон.
