Институтот за јавно здравје „Милан Јовановиќ Батут“ денеска соопшти дека октомври во целиот свет се одбележува како Меѓународен месец на борба против ракот на дојката, кој во Србија е најчест малигнен тумор по морбидитет и морталитет кај жените.
Според последните податоци на Регистарот за рак на Институтот за јавно здравје на Србија, во Србија во 2021 година се регистрирани 4.447 новодијагностицирани и 1.765 жени кои починале од рак на дојка.
Стапката на инциденца на рак на дојка во Србија била 64 на 100.000 жени, а стапката на смртност 20,6 на 100.000, се додава во соопштението.
Ракот на дојка е најчеста малигна болест во светот и водечка причина за морбидитет и смртност од малигни заболувања кај женската популација, што го прави еден од најзначајните јавно здравствени проблеми на глобално ниво.
Со навремено откривање и започнување со лекување на болните лица, може да се постигне излекување во повеќе од 90 проценти од случаите, со што се подобрува квалитетот на животот на болните жени и нивните семејства.
