Бројот на загинати од ураганот Отис, кој го погоди крајбрежниот град Акапулко во јужниот дел на Мексико, се искачи на 48, соопштија властите.
Гувернерот на државата Гереро Евелин Салгадо изјави дека 36 лица се уште се водат како исчезнати, јавува Анадолија.
Мексиканскиот претседател Андрес Мануел Лопез Обрадор нагласи дека во тек се операции за пребарување и спасување, додавајќи дека планира да го посети регионот.
Изразувајќи ја својата посветеност за обнова на градот Акапулко погоден од ураганот, тој рече дека тие се во близок контакт со локалните власти.
Потсетуваме дека на 26 октомври ураганот Отис оштети илјадници домови и многумина остави без електрична енергија.
Владата распореди околу 17.000 војници и полицајци за да спречи грабеж по ураганот Отис.
