Мексиканските спасувачи тагуваат за смртта на членот на нивниот тим, кучето Протео, кое загина додека ги извлекуваше луѓето од урнатините. Тој и неговите колеги ги пребарувале урнатините во турскиот град Кахраманмараш, кој бил епицентарот на земјотресот.
Кучето работело со својот тим и заедно ги пребарувале урнатините. Тогаш за секој спасител се случило најстрашното: врз него се урнал дел од зградата и го затрупал. Иако неговите колеги спасувачи веднаш го извлекле од под урнатините, а потоа се обиделе да го оживеат, несреќното куче не можело да се спаси.
Министерот за одбрана Луис Кресенсио Сандовал ја објави смртта на германскиот овчар Протео на дневната прес-конференција на претседателот Андрес Мануел Лопез Обрадор.
– Ја исполни твојата мисија… ти благодариме за твојата херојска работа како дел од мексиканскиот тим кој замина во Турција за да им помогне на настраданите – објави војската на Твитер.
Војникот Вилједа, кој бил водич на Портео, изјавил дека ова куче никогаш не се откажало и дека умрело на работа, не наведувајќи детали. Мексиканските медиуми, пак, неофицијално наведуваат дека остатоците паднале врз Портео додека трагал по преживеани.
– За жал, нема да се вратиш со мене, но јас секогаш ќе те паметам. Се надевам дека цело Мексико ќе те памети и никогаш нема да те заборави. Ќе се видиме еден ден повторно – рекол водичот на Портео.
Речиси немаше тим во Турција што со себе не донесе кучиња спасувачи кои ги ризикуваа своите животи за да најдат преживеани. Тие беа и реклама за своите тимови кои објавуваа редовно колку луѓе намирисале под урнатините што се живи.
