Меган Маркл, односно војвотката од Сасекс, би можела да стане најплатената инфлуенсерка во светот.
Откако Спотифај го откажа подкастот на сопружниците Меган Маркл и принцот Хари, наголемо се шпекулира дека сопругата на принцот Хари потпишала договор со лускузниот бренд „Диор“ и ќе стане нивно заштитно лице.
„Дејли мејл“ пишува дека војвотката на тој начин би можела да стане најплатената инфлуенсерка во светот и да ги надмине имињата како Ким Кардашијан и нејзините сестри.
Меган би можела да заработи милиони со соработката со „Диор“, чии креации во последно време често ги носат и таа и Хари.
Меган, доколку се врати на социјалните мрежи, може да зема 250.000 долари за една објава.
Гласините за тоа дека ќе стане инфлуенсерка започнаа откако војвотката почна да излегува со Викторија Џексон, жена која е меѓу најголемите имиња во маркетингот во САД.
Наголемо се шпекулира дека Меган повторно го лансира својот блог за начин на живот, The Tig, кој го згасна пред да се омажи со принцот Хари, односно пред да влезе во кралското семејство.
