Се огласи на Телеграма поранешниот руски претседател и заменик претседател на рускиот Совет за безбедност Дмитриј Медведев.
Тој вели дека пред повеќе од 20 години, еден од неговите американски колеги дошол со интересна изјава за тогашните настани во Ирак, која гласела: „Казнете ја Франција, игнорирајте ја Германија, простете ја Русија“.
Тој вели дека оваа изјава е совршена за опишување на ситуацијата која на крајот ќе заврши, а која се однесува на, како што наведува Медведев, хибридната војна што Западот ја води против Русија.
Медведев наведува дека, кога оваа хибридна војна ќе заврши, Русија може да им прости на „слабите земји кои подлегнаа на притисокот на англосаксонците и одиграа пасивна улога во антируското западно ѓубре“. Тој наведува дека се работи главно за земји од Азија и Латинска Америка.
„Европа е главното упориште на русофобијата“
Тој додава дека Русија тогаш може да ги игнорира САД. „Не очекуваме пријателство со САД во следните 100 години, а борбата против Америка е скапа – директниот конфликт очигледно ќе ескалира во глобална нуклеарна војна.
Медведев посочува дека третата работа што Русија може да ја направи по завршувањето на таа хибридна војна е да ја казни Европа бидејќи токму Европа стана „главно упориште на русофобијата во светот“.
„Европа непромислено промовираше некомпетентна кампања за санкции, носејќи им колосални загуби на нејзините граѓани. „Крвожедната Европа ги нахрани сите најбесни демони на војната, без оглед на загубите на страните во конфликтот“, вели Медведев.
„Слава на толпата мигранти“
„Затоа, Европа мора да биде казнета со сите средства што ни стојат на располагање: политички, економски и хибридни. И затоа мораме да им помогнеме на сите деструктивни процеси во Европа“, најави Медведев.
„Слава на ордите мигранти кои вршат злосторства и омраза што ги уништуваат европските вредности! Нека исчезнат сите гнасни европски бирократи во поплавата на идните граѓански судири!“, рече тој.
Тој објасни и зошто има таков став. Имено, Медведев наведува дека бродот Oslo Carrier 3 под норвешко знаме одбил да ги прими руските морнари од бродот Ursa Major кои се удавиле во Средоземното Море.
„Треба повеќе објаснување? Ова не може да се прости“, рече Медведев, кој својата објава ја заврши со псалм:
„Праведникот ќе се радува кога ќе види одмазда, ќе си ги измие нозете во крвта на злите“.
