Продолжуваат жестоките руски напади во источна Украина. Беа гранатирани областите околу Шуми, Костјањивка и Керсон. Русите извршија воздушни напади и врз Миколаевската област, а сирените за воздушен напад се огласија низ цела Украина, вклучително и Киев.
Поранешниот руски претседател Дмитриј Медведев во интервју за рускиот весник „Известија“ изјави дека континуираното снабдување со оружје за Киев ризикува глобална нуклеарна катастрофа, повторувајќи ја заканата од нуклеарна војна поради Украина.
„Нашите непријатели не разбираат дека целите што се обидуваат да ги постигнат ќе доведат до целосно фијаско. Тоа ќе биде загуба за сите. Колапс, апокалипса“, рече тој.
Да потсетиме, минатата недела Русија го суспендираше учеството во програмата Нов СТАРТ, која е поврзана со контролата на нуклеарното оружје.
