На Полска ѝ била наметна лажен идентитет и лажна „западна“ цивилизација, а руската експанзија во Европа е јасна, природна и легитимна, како едно големо обединување. Вакви пораки читаше поранешниот руски претседател Дмитриј Медведев на руската државна телевизија. Тоа беше дел од писмо на 19-вековниот руск поет Фјодор Тјутчев кој самиот сметал дека „со векови европскиот Запад сосема генијално веруваше дека не постои и не може да има друга Европа“.
Која е таа вистинска Европа на Тјутчев?
„Штом ќе признаеме, сè е јасно, сè е објаснето. Вистинската основа на брзите успеси и неверојатната експанзија на Русија што го запрепасти светот станува јасна. Почнувате да разбирате дека т.н. освојувања и насилство беа најмногу природно и легитимно нешто што некогаш било направено во историјата, се случи само огромно обединување“, читаше Медведев од писмото на Тјутчев.Тоа било напишано во 1844 година и упатено до Густав Колб, уредник на весникот „Всеобшчаја Газета“.
„Исто така, станува јасно зошто, еден по друг, сите неприродни аспирации, сили и институции што ѝ стоеја на патот, спротивно на големиот почеток, беа уништувани една по друга од Русија. Зошто, на пример, Полска мораше да пропадне“, читаше Медведев.
„На Полска ѝ се наметна лажна цивилизација и лажна националност“, стои во писмото.
„Се разбира, не станува збор за изворната полска националност, не дај Боже, туку за лажната цивилизација и лажната националност што ѝ се наметнати“, сметал Тутчев.
Медведев го читаше писмото како дел од проект на руското Министерство за култура во кој се читаат извадоци од руски книжевни класици.
