Килијан Мбапе му порача на ПСЖ, а тој тврди дека тоа го направил пред една година, дека нема да го продолжи договорот.
ПСЖ му порача дека во тој случај е слободен да си замине. И ова трае со месеци. Со закана дека Мбапе нема да смее да си замине како слободен играч. Во меѓувреме, посетата на Мбапе на Камерун продолжува, а вниманието го привлекува обезбедувањето кое го има.
Во интервју за магазинот Франс Фудбал, Мбапе зборувајќи на различни теми исто така даде изјава која дополнително ќе ја налути управата на клубот чиј дрес се уште го носи:
„Играњето за ПСЖ не помогна, тоа е тим кој е разурнувачки, разорен клуб“, рече Мбапе, но не сакаше да го објасни својот став.
За недостигот на трофеј во Лигата на шампионите и покрај сите засилувања кои пристигнуваат во клубот, Мбапе беше краток и јасен:
„Се обидовме со се. Точка. Мора да разговарате за тоа со луѓето кои го сочинуваат тимот. Кој го организира тимот, кој го води и го гради овој клуб“.
Мбапе дел од одморот минува во родната земја на неговиот татко, Камерун, каде што беше пречекан на навистина неверојатен начин.
