Килијан Мбапе повеќе нема да игра за ПСЖ.
Францускиот интернационалец Килијан Мбапе ги брои последните недели во Париз како играч на ПСЖ.
Привршува епизодата на Мбапе на Паркот на принцовите, следната станица на неговата кариера би требало да биде Реал Мадрид.
Долго траеше ловот на кралскиот клуб по најдобриот фудбалер на денешницата, а се чини дека се е договорено.
Имено, во интервју за Telefoot, Мбапе изјави нешто повеќе за неговото заминување:
„Смирен сум поради тоа. Мојата иднина повеќе не е тема во клубот, нема грижи за тоа. Мојата одлука ќе ја соопштам до ЕП, а на ЕП ќе играм со мирна глава и убеден сум дека ќе направиме големи работи“, изјави Французинот.
