Во ургентните соби во Брауншвајг во Долна Саксонија во вторник, 29 август, 42-годишен маж претепа лекар.Причината – неговиот 12-годишен син, кој го донел откако момчето паднало од велосипед, не бил веднаш примен на преглед.
Детето претходно паднало од велосипедот и било полесно повредено. Таткото го донел момчето во итната медицинска помош, а бидејќи немало сериозни повреди морал да почека, пишува магазинот Феникс.
Тоа било доволна причина таткото да се налути. Најпрво влетал во Секретаријатот и гласно ги навредувал вработените. Еден постар лекар влегол во собата и му рекол да се смири и да ја напушти ординацијата. Таткото го напуштил Секретаријатот, но ситуацијата не се смирувала. Додека докторот бил свртен со грб, 42-годишниот маж ненадејно го нападнал и го соборил на земја. Тој продолжил да го тепа со стапала и тупаници. На помош на лекарот дошле неколку вработени во болницата.
Набрзо пристигнала полицијата која го привела 42-годишниот. Сега истражуваат дали таткото бил под дејство на опојни средства. Дополнително, поведена е и кривична постапка за нанесување опасни физички повреди. На повредениот лекар му била потребна лекарска помош.
Помош е укажана и на 12-годишно момче кое сега го чува неговата баба, соопшти полицијата.
