Оние вработени кои го преживеаа фијаското со отпуштања во Твитер ќе добијат награди од новиот газда, Илон Маск. Милијардерот на преостанатите вработени во мејл ги известил дека наградата ќе дојде на 24 март, пишува порталот Врџ, кои имале и пристап до мејлот.
Во компанијата сега работат помалку од 2.000 луѓе, што значи дека Маск отпуштил најмалку 5.500 лица. Некои од нив сомневаат дека намерно го исклучил Гугл чат-от во тој период за луѓето да не можат да комуницираат едни со други, додека дел бидуваат отпуштани.
Најавата на Маск доаѓа откако тој само во текот на минатиот викенд отпуштил стотина лица без да ги предупреди, а меѓу нив биле и постари вработени лојални на компанијата и речиси целиот производен тим.
Што ќе биде наградата за другите? Според претходни изјави на Маск се шпекулира дека можеби тој ќе им овозможи на вработените редовно да продаваат акции на компанијата на заинтересирани инвеститори.
