Поп пејачка Марија Шерифовиќ одржа спектакуларен концерт во саботата, на 23 ноември, во салата Градски врт во Осиек пред илјадници обожаватели, од кои повеќето биле жени.
Сепак, Марија забележала и неколку мажи во публиката, а еден од нив стана ѕвезда на вечерта.
Во разговор со девојка од публиката, Марија прашала за мажот покрај неа:
– Како се викаш? Матеа? Кажи ми Матеа, кој е тој господин до тебе? Морам да те прашам, но немој да лажеш. Дали беше натерана да дојде? – ја прашала Марија девојката од публиката и се насмејала.
– Царе, како се викаш? Мирослав. Гледам, изморен си. Дали работеше денеска, кога се разбуди? Во 5:30? А од каде дојдовте? Од Орашје… И ти работеше како коњ, ја испочитува девојката и дојде да слушате тажни женски песни? Па, ти аслужуваш аплауз од мене. Секоја чест, такви мажи има малку – го пофалила Марија.
Публиката одговорила со громогласен аплауз, додека Марија уште еднаш го докажала својот шарм и хумор на сцената.
.– Да имав толку долги раце, би го прегрнала секој од вас, но бидејќи немам, ќе дадам сè од себе овој концерт да биде најдобар во вашиот живот – и рекла Марија на воодушевената публика.
Ова беше нејзиниот прв голем солистички концерт во Осиек, а публиката ја поздрави со громогласен аплауз и скандирања: „Маре, ние те сакаме!“.
Во текот на вечерта добила и подарок од обожавателка – шал со панди.
