Малолетничка се наоѓа во болница со тешки повреди откако била прегазена од возило марка „ауди“, информираше Министерството за внатрешни работи (МВР).
„Синоќа во 21.05 часот во СВР Скопје било пријавено дека на булевар Мајка Тереза во Скопје, патничко моторно возило ‘ауди’ со скопски регистарски ознаки, управувано од Ѓ.С.(49) од Скопје удрило во малолетничка од Гевгелија. Во несреќата малолетничката се здобила со тешки телесни повреди констатирани во Комплексот клиники Мајка Тереза“, наведено е во полицискиот билтен.
Извршен бил увид од увидна екипа од СВР Скопје, информираат од МВР.
