Францускиот претседател Емануел Макрон во средата ги предупреди Французите на „голема промена“ што ќе донесе „крај на изобилството“ и „негрижата“.
„Имаме голема промена“, предупреди шефот на државата, осврнувајќи се на неодамнешната серија „сериозни кризи“, од Украина до сушата, говорејќи на почетокот на седницата на владата.
„Можеби изгледа дека моментот во кој живееме е структуриран од низа сериозни кризи и можеби некои ја гледаат нашата судбина како постојано управување со кризи или вонредни ситуации. Што се однесува до мене, верувам дека тоа низ кое минуваме е повеќе голема промена или голем пресврт“, рече Емануел Макрон за време на неговиот говор пред неговите министри, кој овојпат беше извонредно емитуван.
На оваа ситуација „нашите сонародници можат да реагираат со голема вознемиреност“, рече Макрон и поради оваа причина ги повика членовите на владата „да ги именуваат работите многу јасно и без катастрофално“.
„Очекувам владата да го почитува дадениот збор и обврските што ги презедовме кон нацијата“, додаде тој.
Претседателот ги повика своите министри да не подлегнуваат на демагогија и да бидат сериозни и кредибилни.
„Секогаш може да изгледа привлечно да се каже она што луѓето сакаат да го слушнат (.. .), но прво треба да се запрашате дали е тоа ефективно и корисно“, додаде тој.
