Македонски дражавјанин кој на 18 април доживеал мозочен удар додека бил на службен пат во Унгарија, денеска е успешно транспортиран на скопскиот клинички центар. По интервенција на Центарот за управување со кризи (ЦУК), за транспортот е искористе полицискиот хеликоптер Бел-412.
„Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза”“ – информираа од Министерството за внатрешни работи.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.
