38 годишна жена вчера беше застрелана на патарина пред Прешево. Во неа стрелал 52 годишен македонски државјанин кој потоа се самоубил. Жената во тешка состојба е пренесена во болницата во Врање.
Македонскиот државјанин и жената биле во „ауди“ со македонски регистарски таблички. Во еден момент жената излегла од автомобилот и почнала да бега. Мажот излегол по неа испукал неколку куршуми и ја ранил, а потоа се оддалечил од местото, по што се вратил и си пукал во глава.
Тој им подлегнал на повредите, а на пукањето и претходела расправија. Мотивите за обидот за убиство и самоубиство не се познати.
Лекарите во Врање се борат за животот на жената.
